Түбән Кама паркларында һәм скверларында волонтерлар Георгий тасмаларын тарата

Россиядә «Георгий тасмасы» акциясе башланды. Ул традицион рәвештә 9 Май алдыннан үткәрелә. Түбән Кама да әлеге акциягә кушылды.
Җиңү алдыннан волонтерлар Лемаев скверы янында үтеп баручыларга тасмалар тараттылар. Акция «Мин хәтерлим! Мин горурланам» девизы астында уза.

Тасмалар — Бөек Ватан сугышында җиңүчеләрнең батырлыгына хөрмәт йөзеннән йөрәк янында йөртелә торган Җиңү символы. Шулай ук Георгий тасмасы Россиянең Хәрби дан билгесе дә. Аны киемгә күкрәк тирәсенә, йөрәк дәрәҗәсендә урнаштыру яхшырак. Шәһәр халкына 50 мең шундый тасма таратырга ниятлиләр.

«Акция 9 майга кадәр дәвам итәчәк. Бәйрәмдә волонтерлар шулай ук Георгий тасмаларын таратачаклар», — дип ачыклык кертте волонтер Татьяна Курочкина.