Түбән Кама белән Чаллы арасында тиз йөрешле трамвай эшли башларга мөмкин

Түбән Кама һәм Чаллы арасында тиз йөрешле трамвай эшләтеп җибәрергә тәкъдим итәләр.

Шәһәр халкы үз идеяләре белән «Кама 2050» платформасында уртаклаша. Бу фикерләр Кама агломерациясенең мастер-планына керергә мөмкин.

«Агломерациянең ике иң зур шәһәрен тиз йөрүче трамвай/электричка белән бәйләргә кирәк, анда юлга 20 минутка якын вакыт китәчәк», — дип саный автор.

Моннан тыш, Түбән Кама халкы беренче промзона территориясендәге җәяүлеләр кичүен кире кайтарырга тәкъдим итә.

«Якында гына светофор бар һәм аерым фазада җәяүлеләрне җибәрергә мөмкин булыр иде», — дип яза шәһәрдә яшәүчеләрнең берсе.