Татарстан Чистай — Түбән Кама юлларын ремонтлауга 93 млн сумнан артык акча бүлеп бирәчәк

Татарстанда Чистай — Түбән Кама автомобиль юлы участогын ремонтлау планлаштырыла. Тиешле тендер дәүләт сатып алулары порталында басылып чыкты.

Заказчы булып Главтатдортранс тора, эш өчен республика бюджетыннан 93 млн сумнан артык акча бүлеп биреләчәк.

Ремонт Түбән Кама һәм Чистай районнары чигендә урнашкан Красный Яр авылыннан ерак түгел узачак. Участокның озынлыгы 2,9 км тәшкил итәчәк. Эшләрне 2024 елның октябрь ахырына кадәр тәмамларга планлаштыралар.