Җәй ахырына кадәр шәһәрдәге барлык паркларны һәм скверларны тәртипкә китерәчәкләр
Әлеге максатларга җирле бюджеттан өстәмә акча бүлеп бирелгән.
Җәй ахырына кадәр шәһәрдәге барлык паркларны һәм скверларны тәртипкә китерәчәкләр — әлеге максатларга җирле бюджеттан өстәмә акча бүлеп бирелгән.
Хәзерге вакытта Габдулла Тукай исемендәге һәм «Велики» паркларында төзекләндерү эшләре алып барыла. Төзекләндерү барышын Түбән Кама районы башкарма комитеты җитәкчесе Радмир Беляев бәяләп кайтты.
Тукай паркында бөтен эскәмияләрне яңарталар, ватылган брусчаткаларны яңаларына алмаштыралар һәм бөек татар шагыйре һәйкәленең постаментын ремонтлыйлар. Якын арада балалар мәйданчыгына резин өслек җәюгә һәм уен элементларын алыштыруга керешәчәкләр. Тематик скульптураларны реставрацияләү дә планлаштырыла.
«Су Анасы» фонтанын төзекләндерү түбәнкамалыларны аеруча шатландырды. Подрядчылар касәнең борт элементларын сүтеп, нигезен чистарту эшенә керешкәннәр. Радмир Илдар улы билгеләп үткәнчә, Республика көненә шәһәрнең барлык фонтаннары төзәтеләчәк.
«Велики» паркында өлешчә косметик ремонт уздырылды — буяу эшләре үткәрелде, кече архитектура формалары торгызылды. Хәзер шәһәр җитәкчелеге өстәмә эш күләмен билгеләде. «Без ел саен паркларны һәм скверларны яхшырту өчен акча бүлеп бирәчәкбез. Мондый зур хуҗалык тиешле кайгыртуны таләп итә. Быел барлык паркларны да тиешенчә тәртипкә китерәчәкбез. Хәзер Бердәм заказчы дирекциясе базасында Парклар һәм скверлар дирекциясе төзелә, ул безнең җәмәгать киңлекләрен төзек хәлдә тотуга һәм тулыландыруга күзәтчелек итәчәк», — дип ассызыклады Радмир Илдар улы.
(Муниципаль район рәсми сайты мәгълүматлары буенча язылды).
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев