Түбән Камада Җиңүнең 80 еллыгы уңаеннан «Җиңү трамвае» йөри башлый

7 майда Түбән Камада Бөек Ватан сугышында Җиңүнең 80 еллыгына багышланган «Җиңү трамвае» патриотик акциясе узачак. Оештыручылар — шәһәрнең яшьләр (яшүсмерләр) клублары үзәге һәм иҗат коллективлары.

Тематик бизәлгән трамвай 2 нче санлы маршрут буенча йөриячәк — деподан Красный Ключ поселогына кадәр һәм кирегә, дип хәбәр итә шәһәр администрациясенең матбугат хезмәте.

Пассажирлар өчен сугыш еллары җырлары һәм шигырьләре белән чыгышлар, совет халкының батырлыгы турындагы тарихлар, сугыш вакыйгаларын белүгә викторина һәм музыкаль конкурс әзерләнгән. Катнашучыларга шулай ук Георгий тасмалары тапшырылачак. Акция 14 сәгатьтә башлана.