Кыр кухнясы, күргәзмә һәм концерт: Түбән Камада гастрономия фестивале узачак

Бөек Ватан сугышында Җиңүнең 80 еллыгы уңаеннан Түбән Камада «Җиңү тәме» гастрономия фестивале һәм осталар ярминкәсе узачак.

Шәһәр халкын 6 майда 15 сәгатьтә Татар драма театры каршындагы мәйданга чакыралар (Кайманов ур., 9).

Кунакларны бай программа көтә: шәһәрнең иң яхшы вокалистлары һәм иҗат коллективлары чыгышлары, традицион солдат боткасы белән кыр кухнясы, Җиңү көненә багышланган тематик күргәзмә, сәүдә рәтләре эшләячәк.