Туган як

Яхшылык җирдә ятмый

Нәрсә ул яхшылык? Бу турыда уйланганыгыз бармы? Әйдәгез, шул сорауга җавап эзләп карыйк әле. Минемчә, яхшылык - кешенең эчке тойгысы. Ул аны сүзләре, кылган гамәлләре белән тирә-ягындагыларга күрсәтә ала. Кеше яхшы икән, ул башкаларга шатлык һәм бәхет кенә китерә. Андый кешеләр туганнарына гына түгел, һәр кешегә дә яхшы мөнәсәбәттә булалар:...

Нәрсә ул яхшылык? Бу турыда уйланганыгыз бармы? Әйдәгез, шул сорауга җавап эзләп карыйк әле.
Минемчә, яхшылык - кешенең эчке тойгысы. Ул аны сүзләре, кылган гамәлләре белән тирә-ягындагыларга күрсәтә ала. Кеше яхшы икән, ул башкаларга шатлык һәм бәхет кенә китерә. Андый кешеләр туганнарына гына түгел, һәр кешегә дә яхшы мөнәсәбәттә булалар: кечкенәләргә ярдәм күрсәтәләр, үз тиңнәре белән дус һәм тату яшиләр, өлкәннәрне хөрмәт итәләр. Алар табигатькә карата дә сакчыл: җәнлекләрне яраталар, агачларны сындырмыйлар, тирәлекне пычратмыйлар.
Ләкин бу дөньяда бар кеше дә шәфкатьле һәм мәрхәмәтле түгел шул. Үзләре турында гына уйлаучылар да бар. Андыйларның үзләренә җайлы булса, шул җиткән. Ә янәшәдәгеләрнең хәлләре аларны кызыксындырмый. Алар башкаларга булышканда да, үз файдалары турында гына уйлыйлар. Бу ялгыш фикер. Яхшы эшләрдә кеше эчкерсез булырга тиеш. Әгәр яхшылык кылган булып, уеңда комсызлык һәм хөсетлек икән, сине инде яхшы кеше дип булмый. Кешеләргә карата тырнак очы кадәр генә начарлык та, үзеңә тау кадәр булып кайтачак. Кешеләр моны онытмасыннар иде.

Нравится
Поделиться:
Реклама
Комментарии (0)
Осталось символов: