Туган як

Сәләтле яшьләр иҗаты

Айнур Егоров (фотода) Разил Вәлиев исемендәге әдәби конкурсның «Шигъри тәлгәшләр» номинациясендә җиңгән. 24 нче лицей-интернатның 10 нчы сыйныфына күчкән бу егет бик тә сәләтле. Шигырьләренең берсен сезгә дә тәкъдим итәбез.

Әни туган авыл
Нинди матур 
             әни туган авыл,
Кояш балкый 
               зәңгәр күгендә.
Могҗизалы киче, 
                    сихри таңы,
Айлы төне 
                 якын күңелгә.

Елның әйләнәсе 
                  кайтам сиңа,
Җәен кайтам, 
        кайтам кышларын.
Күп кешеләр  авылга 
                      «баралар»,
Ә менә мин «кайтам»,  
                       дусларым.

Нигә миңа якын соң 
                         бу авыл?
Мин бит «чеп-чи» 
                 шәһәр малае.
Баштан сыйпый 
                анда һәр әбие,
Хәл сораша 
                 һәрбер бабае.

Әйтерсең лә, 
      безнең авыл халкы –
Бердәм булган 
             тату бер гаилә.
Авыр чакта 
           ярдәм итешәләр,
Бәйрәмнәрдә
               йөриләр чәйгә.

Кешеләре 
            ачык күңеллеләр,
Саф һавасы 
                 дәва җаныма.
Шул авылга 
    кабат  кайткан саен, 
Яшәү көче алам тәнемә.

Авыл малайлары, 
                   бүген сездән
Ак көнләшү белән
                      көнләшәм.
Мөмкин булса, 
      китмәс идем мин дә,
Әгәр монда 
           мәктәп көтмәсә.

Тиздән җәйге
        каникуллар җитәр,
Юл тотармын 
                авылга тагын.
Әниемнең 
     «туган» авылы булса,
Ә ул минем 
             «үскән» авылым.
Айнур ЕГОРОВ, 24 нче лицей-интернатның 10 нчы сыйныф укучысы.

Нравится
Поделиться:
Реклама
Комментарии (0)
Осталось символов: