Туган як

Шигырьләр

23 февраль

Егерме өченче февраль-
Бәйрәм көн ул, беләбез,
Әтиләргә, абыйларга
Матур бүләк бирәбез.

Әтиләргә, абыйларга,
Бабай һәм малайларга
Шатлык, бәхет, сәламәтлек
Телим мин барыгызга.

Хәрби хезмәт 
                     узган абый,
Саклаган ил чикләрен,
Кара пәрдә капламасын
Илебезнең күкләрен.
Сәйдәш МОСТАФИН.
Шәңгәлче авылы мәктәбенең 7 нче сыйныф укучысы.

Ир-егет бул!
«Дөнья – көчленеке», – 
                    диләр хәзер,
Нинди көч турында 
                         сүз бара?
Күпләр хәзер 
       спортзалларга йөри,
Физик көче белән
                         мактана.

«Типсә, тимер өзәр» 
                   көчне күпләр
Кулланырга 
             урын табалмый,
Урамнарда кеше 
                  кыйнап йөри,
Кеше сүзен 
                сүзгә санамый.

Көчле булу кирәк 
                       ир кешегә,
Гаилә башы – 
                  гаилә терәге.
Чын күңелдән чыккан 
                   рәхмәт өчен
Кулланылсын көчең, 
                           куәтең.

Ярдәм ит син бик еш 
               мохтаҗларга –
Карт бабайга, 
                    ялгыз әбигә,
Эшсез, йортсыз калган 
                         бичарага,
Кулсыз, аяксызга, ятимгә.

Гарипләрне бигрәк 
                   читләп узма,
Гариплекне теләп 
                        алмыйлар.
Язмыш тарафыннан 
                  рәнҗетелгән
Малай-кызлар, 
                   апа-абыйлар.

Беләк көче белән 
                   бервакытта
Йөрәк көчен 
            бергә куллан син.
Гадел, эш сөючән,
                      туры сүзле
Чын ир булып 
          һәрвакыт кал син!
Айнур ЕГОРОВ,
24 нче лицей-интернатының 11 нче сыйныф укучысы.

Бүләк курчак
Ләйләнең туган көненә
Бүләк иттеләр курчак.
Кулыннан тотсаң елый,
Җибәрсәң, 
             туктый шулчак.

Ике битеннән сыйпасаң,
Курчак кычкырып көлә.
Ләйлә зур үскән кыз,
Аңа күлмәкләр тегә.

Иртән йокысыннан 
                            торгач
Чәчләрен тарый, үрә.
Әнисенә дә булыша,
Гөлләргә сулар сибә.

«Әни, – ди ул, – 
                     курчагымны 
Алып барыйм бакчага.
Җырлап күрсәтсен бүген
Тәрбияче апага».
Камилә ГӘРӘЕВА,
Б.Урманче исемендәге 2 нче гимназиянең 7 нче сыйныф укучысы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: