Туган як

Безнең бурыч

Милләтемнең мин бер гади улы

Милләтемнең мин 
                бер гади улы–
Татармын мин, 
                татар малае.
Син әйтерсең: «Соң, кал
              татар булып!»
Анысы, дустым, 
                шулай шулаен.
Минем халкым – гади 
                  халык түгел!
Шанлы тарих юлын
                         ул үткән.
400 елдан артык 
                 «илсез» булып,
Телен югалтмаган, 
                      көн иткән.
Бәйсез чаклары да 
                   булган аның,
Горур, чит-ятларга 
                        баш имәс.
Бай тормышлы 
               сала-калаларга
Кайсы илбасарның 
                    күз төшмәс.
Идел буе, 
         күп гасырлар синдә
Яшәгәннәр татар, 
                       болгарлар.
Сөйләшкәннәр 
      саф татар телендә,
Дин кушканча
             гаилә корганнар.
Иген иккән 
          гади татар халкы,
Сату иткән, 
               хайван караган.
Милли бәйрәмнәрен 
                 бәйрәм иткән,
Атлар чабыштырып 
                            далада.
Еллар үткән, 
         шулай вакыт узган
(Мин боларны барлыйм 
                      китаптан).
Иле, теле булган 
                     милләтемә
Романнарда гына 
                        сокланам.
Ә без хәзер нинди 
                    татар инде
Ярымтелле, 
              ярымбәйрәмле?!
Ярый әле, 
         Сабан туе калды
Милли төсен саклап
                      милләтнең.
«Җыен»нарың кайда, 
                    «Каз өмәсе»,
«Сөмбеләсе», 
            «Бәби туйлары»?
Алыштырып
      «Хеллоуиннар» килде,
«Изге Вәли», 
             «Таня көннәре»...
Европача яшәргә
                          тырыша
Милләтемнең 
                һәрбер баласы.
Ләкин безгә 
          ничек  йолаларны,
Гадәт, телне 
              саклап каласы?!
Мәктәпләрдә
          татар теле калса,
Туган телем үлмәс, 
                        сакланыр.
Телем белән 
         милли бәйрәмнәре,
Йолалары, йөзе акланыр.
Килер буыннарга 
                     газиз телне
Вакламыйча  
               җиткерү кирәк.
Изге антны үтәрбез, 
                       һичшиксез,
«Татармын» дип 
            типсә һәр йөрәк.
Айнур ЕГОРОВ, 24 нче лицей-интернатның 10 нчы сыйныф укучысы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: