Иң яхшы фермер

Районыбыз фермеры Илнур Зәйнуллин Бөтенроссия «Бизнес-Уңыш» гранты - 100 мең сум акча белән бүләкләнде.
Бу грантны дәгъвалаучылар илдә берничә мең булган. Нәтиҗәдә, Татарстан вәкиле Илнур Зәйнуллинны җиңүче дип тапканнар. Жюри аның фермерлык хуҗалыгында эшне дөрес һәм нәтиҗәле оештыруын югары бәяләгән. Кызыл Чапчак фермеры Илнур сөт җитештерү, кошчылык, яшелчә һәм азык культуралары үстерү, хәтта балык үрчетү белән шөгыльләнә. 100 мең сумлык грантны ул хуҗалыгын тагын да үстерүгә тотачак.