Бәрәңге яхшы сатыла

Түбән Кама фермеры Владимир Аппаков үзендә җитештерелгән бәрәңгене һәм яшелчәләрнең иртә өлгерә торган сортларыннан кәбестә, суган, азык чөгендерен сатуга чыгара башлады.
Фермер Аппаков быел 3 мең тонналап бәрәңге сатарга планлаштыра икән. Ул бер атна эчендә балалар бакчаларына һәм җәмәгать туклануы предприятиеләренә 10 тонна продукция җибәргән инде. «Икенче икмәк»нең уңышын начар дип булмый - гектарыннан 300 центнер чыккан. Моның сере бик гади - быел фермер хуҗалыгында ясалма сугару җайланмаларыннан киң файдаланганнар. Россиянең кайбер өлкәләрендә бәрәңге бәясе төшә башласа да, Аппаков бездәге хәзерге бәяләрдән канәгать. Татарстан фермерлары да товарларын сатарга өйрәнделәр.