Түбән Кама районы «Татарстанның мәдәни башкаласы» конкурсында көмеш призер булды

Түбән Кама районы «Татарстанның мәдәни башкаласы» республика конкурсында икенче урынны алды.

Районда яшәүче халыкларның гореф-гадәтләрен чагылдырган матур иҗат номерлары жюрины башкару осталыгы белән таң калдырды.

«Котлыйм, түбәнкамалылар! Түбән Каманы әлеге конкурста тәкъдим итүгә үз өлешен керткәннәрнең барысына да рәхмәт белдерәм», — дип язды Түбән Кама муниципаль районы башкарма комитеты җитәкчесе вазыйфаларын башкаручы Радмир Беляев үзенең Telegram-каналында.