Түбән Каманың 91 нче балалар бакчасында инглиз теле буенча муниципаль конкурс узган

Арина Мараткановага җиде яшь. Кыз полиглот булырга хыяллана. Аңа инглиз телен өйрәнү бик ошый, әмма киләчәктә ул тагын берничә телне үзләштерергә планлаштыра. Аңа бу эшендә әти-әнисе һәм тәрбиячеләре булыша.

“Минем тәрҗемәче буласым килә”, - ди Арина.

Конкурста катнашырга шәһәрнең төрле балалар бакчаларынан теләк белдергәннәр. Тик инглиз теле бәйгесенә бары тик яхшыларын – 14 сабыйны гына сайлап алганнар.

Ярыш уен формасында узган, катнашучыларга өч биремне үтәргә кирәк булган.

Быел бу чара дистанцион рәвештә үткәрелгән.

Әлеге конкурс ел саен үткәрелә. Аның максаты – балаларның чит телгә карата кызыксынуларын арттыру. Барлык катнашучылар да дипломнар белән бүләкләнгән.