Туган як

Түбән Камада яшәүче сугыш ветераны балалар йортына 90 мең сумлык ике телевизор бүләк иткән

Түбән Камада яшәүче Бөек Ватан сугышы ветераны Рукия Сәхәбетдинова балалар йортына 90 мең сумлык ике телевизор бүләк иткән.

Бу хакта мәгълүмат «СТОС»ның «ВКонтакте» социаль челтәрендәге аккаунтында урнаштырылган.

«Рукия Гатиятулла кызы сугыш дәһшәтләре, кайгы-хәсрәт, югалтулар аша узса да, ул күңел йомшаклыгын югалтмаган, игелекле, назлы, чиста күңелле һәм юмарт булып калган. Аның бүгенге бу гамәле, ятим балаларга карата мөнәсәбәте – безнең өчен үрнәк. Рәхмәт, Рукия Гатиятулловна! Озак яшәгез, сәламәт булыгыз! Без сезне бик яратабыз!» – дип язылган язмада.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: