Түбән Кама студентлары «Ел казанышы - 2021» конкурсы премиясенә лаек булган

Чара Ленин исемендәге Мәдәният йортында үткән.

Җиңүчеләрне республика көллиятләренең 200 мең студенты арасыннан сайлаганнар. Барлыгы 17 номинация булган, һәм шуларның өчесендә түбәнкамалылар җиңү яулаган:

Мәликә Насыйбуллина, Түбән Кама политехника көллияте студенты – «Елның медицина хезмәткәре»;

«Түбән Кама патриотлары» «ФОРПОСТ» отряды, Түбән Кама педагогика көллияте – «ФОРПОСТ» студентлар отряды;

Полина Михеичева, Түбән Кама педагогика көллияте студенты – «Ел старостасы».

Иң яхшыларын котларга дәрәҗәле кунаклар килгән иде, алар арасында Татарстан Мәгариф һәм фән министры Илсур Һадиуллин да булган. Җиңүчеләр өчен бәйрәм концерты оештырылган.