Туган як

Сәламләшү әдәбе

Мөселман бала тәрбияле булып, Аллаһ Тәгалә яратканны гына эшли һәм башка мөселманнар белән очрашканда: «Әссәләмү галәйкүм!» - дип әйтергә тиеш, ә синең белән шулай исәнләшсәләр: «Үә галәйкүм әссәлам», - дип җавап кайтарырга кирәк. Сәлам бирү тәртибе: - басып торган, яисә барган кеше утырган кешегә сәлам бирә; - аз кеше күп...

Мөселман бала тәрбияле булып, Аллаһ Тәгалә яратканны гына эшли һәм башка мөселманнар белән очрашканда: «Әссәләмү галәйкүм!» - дип әйтергә тиеш, ә синең белән шулай исәнләшсәләр: «Үә галәйкүм әссәлам», - дип җавап кайтарырга кирәк.
Сәлам бирү тәртибе:
- басып торган, яисә барган кеше утырган кешегә сәлам бирә;
- аз кеше күп кешегә сәлам бирә;
- яшьрәкләр олыракларга сәлам бирә.
Әгәр дә синең белән: «Әссәләмү галәйкүм үә рахмәтуЛлаһи үә бәракәтуһ», -
дип исәнләшсәләр, син: «Үә галәйкүм әссәлам үә рахмәтуЛлаһи үә бәракәтуһ», - дип җавап бирергә тиеш. Әгәр дә сәлам бирүчеләр бер-берсенә кулларын биреп күрешсәләр, пәйгамбәребез Мөхәммәд сг.в. әйткәнчә, аларның гөнаһлары агачлардан яфраклар коелган кебек коела.
Сәламләшү - иң яхшы гадәтләребезнең берсе. Өйдә, урамда, мәктәптә, бакчада, юлда - кайда гына булмасын, бер мөселман икенче мөселман кардәшебез белән очрашканда, аңа сәлам бирү - безнең бурычыбыз.
Пәйгамбәребез с.г.в. әйткәнчә, сүзне башлаганда сәлам бирмәгән кешенең соравына җавап та бирергә кирәкми. Ә синең белән исәнләшкән кешегә җавап кайтармау - гөнаһ! Тагын пәйгамбәребез Мөхәммәд, с.г.в., сәхәбәләрдән болай дип сораган:
- Бер-берегезгә карата мәхәббәтегез артсын өчен ни эшлисен әйтимме сезгә?
- Әлбәттә, әйт, я Аллаһның илчесе, - дигәннәр алар.
Шунда пәйгамбәребез с.г.в. әйткән:
- Бер-берегез арасында сәлам таратыгыз!
Ягъни, пәйгамбәребез с.г.в., бер-беребезгә карата ярату булсын өчен: «Әссәләмү галәйкүм!» - дип исәнләшергә кирәклеге турында әйткән.
Димәк, динебездә сәлам бирү бик зур әһәмияткә ия һәм моны җиңел нәрсәләрдән санап калдыру һич кенә дә ярамас.
 
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: