Туган як

Шигырь

Җәннәт юлы

Җәннәткә юл 
               җиңел түгел,
Аңларга кирәк моны.
Коръәндә күрсәтте
                           Аллаһ
Чиста, пакь,
                туры  юлны.

Мәшәкатьтән 
                    кача кеше,
Гел җиңел булсын аңа.
Намазны да 
             тиз-тиз укып,
Нәфес артыннан чаба.

Һәр заманның 
                   үз сынавы,
Бу – 
     Аллаһның хикмәте.
Өстәл тулы 
              тәмле ризык,
Телдә аның ләззәте.

Ит-май ашап, 
                балда йөзеп,
Бүген кеше кинәнә.
Өстәл артында 
                         баласы
Ризыгын атты әнә.

Ачлык белән 
                сыналганнар,
Янәшәдә яшиләр.
Сугыш афәтләре бара,
Арта җирдә 
                      ятимнәр.

Әй, мөселман, 
              син Аллаһның
Тәкъдирен
              аңлыйсыңмы?
Дөньяң белән 
               мактанасың,
Оятка калмыйсыңмы?
Нәфес теләгәнчә яшәү
Мөэмин 
          сыйфаты түгел.
Имтихан тота
                       дөньяда
Күз, колак һәм дә күңел.

Җәһәннәм 
              урап алынган
Татлы 
        ләззәтләр белән.
«Үз теләгәнчә яшәсәң,
Бик җиңел керү», – дигән. 

Ә Җәннәткә керү өчен
Булганына шөкер ит.
Аллаһны 
           яратып тыңла,
Гөнаһлардан 
                  читкә кит.

Раббыңның 
          бар сынауларын,
Риза булып кабул ит.
Гаепне үзеңнән эзлә,
Раббыбыз 
          шәфкатьле бик.

Бәхетле коллар 
                    Аллаһтан
Бары яхшылык көтә.
Гыйбадәтләрен 
                 арттырып,
Җәннәтне өмет итә.
Роза КАШАПОВА.

Нравится
Поделиться:
Реклама
Комментарии (0)
Осталось символов: