Туган як

Мәчеттә тематик дәрес уздырдылар

Түбән Кама үзәк мәчетендә шәһәр һәм районыбыз мөслимәләре өчен ачык дәрес узды. Бу дәрестә дини һәм әхлакый тәрбия буенча кичке курсларда гыйлем алучылар, «Ихлас» рухи-әхлакый үзәгенә йөрүчеләрнең физик мөмкинлеге чикле булганнары һәм үзләрен рухи яктан баетырга теләгән барча хатын-кыз катнашты. Алтмышка якын мөслимә каршында үзәк мәчеттә хатын-кызлар бүлеген җитәкләүче Роза...

Түбән Кама үзәк мәчетендә шәһәр һәм районыбыз мөслимәләре өчен ачык дәрес узды. Бу дәрестә дини һәм әхлакый тәрбия буенча кичке курсларда гыйлем алучылар, «Ихлас» рухи-әхлакый үзәгенә йөрүчеләрнең физик мөмкинлеге чикле булганнары һәм үзләрен рухи яктан баетырга теләгән барча хатын-кыз катнашты.
Алтмышка якын мөслимә каршында үзәк мәчеттә хатын-кызлар бүлеген җитәкләүче Роза Латыйпова, кичке курсларда гыйлем бирүче мөгаллимәләр Нурзия Хәйруллина һәм Айгөл Җәмилова чыгыш ясады. «Коръән - яшәү рәвеше» темасына багышланган ул дәрестә сүз, башлыча, үз тормышын Аллаһы кушканча төзергә һәм алып барырга омтылучы кешенең, иң беренче чиратта, үз әдәбен камилләштерү өстендә эшләргә тиешлеге хакында барды.
Дәрес барышында ике ел рәттән үзәк мәчеттә Рамазан уразасы дәвамында халыкка тәравих намазы укыткан Коръән-хафиз Әяметдин Фәхретдиновка багышланган видеосюжет күрсәтелде.
Шулай ук, Коръәнне дөнья күләмендә иң оста укучыларның аудиоязмалары тыңланды. Галия Сафина җитәкчелегендәге балаларның изге китапны укулары дәрестәгеләр күңеленә иң ошаганы булгандыр.
Үзәк мәчеттәге чарага килгән мөслимәләр һәм мөгәллимнәр, ачык дәрестән алган тәэсирләр белән уртаклаша-уртаклаша, үзләре әзерләгән мул чәй табынында сыйланганда да бу хакта кат-кат искә алдылар.
Түбән Кама шәһәре үзәк мәчете матбугат хезмәте.

Нравится
Поделиться:
Реклама
Комментарии (0)
  • 18 май 2018 - 13:31
    Сугышлар булмасын, дип сорый Безнең әти белән әнине авылда бик хөрмәт итәләр иде. Әти – фронтовик, әни – күпләр кебек, күп кенә михнәтләр күргән тыл хезмәтчәне. Икесе дә Түбән Кама районында туып үскәннәр, әмма бер-берсе белән 1951 елда гына танышканнар.
    35
    0
    0
  • 18 май 2018 - 13:21
    Подъездга керерлек түгел… Сөембикә урамындагы 72нче йорт, Тынычлык урамындагы 14 нче йорт янындагы чүп үләне баскан бушлыкта Нефтехимиклар паркы төзелгәч, бик шатланган идек. Ялгышканбыз икән…
    31
    0
    0
  • 18 май 2018 - 13:18
    Яңа аллея Түбән Камада риэлторторлар үз аллеяләрен булдырганнар.
    28
    0
    0
  • 18 май 2018 - 13:17
    Түләмиләр Түбән Камада җылылык сезоны майда тәмамланса да, кешеләр бурычларын капларга ашыкмый.
    15
    0
    0
  • 4 май 2018 - 12:59
    Нижнекамск читает Габдуллу Тукая--2018. Выпуск 1
  • 27 апрель 2018 - 12:41
    Футбол буенча дөнья чемпионаты узганда Казанда 12 кинотамаша булачак
  • Безне яратып укыйлар
Реклама
  • 18 май 2018 - 13:31
    Үзгәрешләргә әзерме? Әзер! Түбән Кама муниципаль районы башлыгы Айдар Метшин журналистлар өчен шәһәрдәге төзелүче һәм төзекләндерелүче объектлар буенча күчмә утырыш уздырды.
    33
    0
    1
  • 15 май 2018 - 10:49
    Саксызлыкмы, әллә махсус зыян итәләрме? Узган атна ахырында янгыннар күп булды. Янгын сүндерүчеләрнең кисәтүләренә карамастан, кешеләр куркынычсызлык кагыйдәләрен үтәми.
    49
    0
    1
Ночной режим